صُدفة قابلني
بعد ما كنت قدرت أنساه
قالي: فاكرني؟
قلتله: وأنا ليه أنساك؟
وقلت لنفسي:
أنسى إزاي جرحي وياك؟
وسألته في سري:
أنت اللي فاكرني؟
فاكر إني كنت بحبك؟
كنت في حبك بسهر ليلي
وأحلم تيجي تقولي بحبك
تيجي تضم لقلبك شوقي
وتطفي نار حبي وخوفي؟
قالي: سامحني
قلت: أسامحك؟
قالي: أنا عارف إني ظلمتك
قلتله: ليه؟
هو أنا كنت أبقالك إيه؟
دا أنا كنت مجرد واحد شفته
قلتله: ممكن نبقى صحاب
صدقتك على طول وأمّنتك
على قلبي، حياتي وأسراري
وفجأة لقيتك مش جنبي
بعد ما كنت بدأت معاك
أحلم بحياتي وياك
قالي: حقيقي أنا محتاجلك
قلتله: ليه؟
هي الدنيا جرى فيها إيه؟
فين اللي عشانهم باع قلبي؟
ونسيني وهجرني وفاتني؟
وقلت: غريبة!
أما والله دي دنيا عجيبة!
لما تحب وتعشق من قلبك
تلاقي حبيبك مش جنبك
تبعد، تنسى وما تفكرش
تلاقيه جيلك بيقولك:
سامحني... ظلمتك... محتاجلك!
